Шүүхийн шийдвэр гүйцэтгэх ерөнхий газрын харьяа 405 дугаар хаалттай (тусгай нэгж) хорих ангийн баг тамирчид Сонгинохайрхан дүүргийн 21 дүгээр хороонд үйл ажиллагаа явуулдаг төрийн болон төрийн бус байгууллага, аж ахуйн нэгжүүдийн алба хаагчдын дунд жил бүр уламжлал болгон зохион байгуулдаг Спортын 5 төрөлт тэмцээнд амжилттай оролцож, багийн дүнгээр хоёрдугаар байрт шалгарлаа.
Энэхүү тэмцээнийг Шүүхийн шийдвэр гүйцэтгэх ерөнхий газрын харьяа 429 дүгээр хаалттай хорих анги-Төрөлжсөн мэргэшлийн эмнэлгээс 2023 оны 12 дугаар сарын 09-ний өдөр гар бөмбөг, сагсан бөмбөг, дартс, ширээний теннис, 100 буудалт даам гэсэн төрлөөр зохион байгуулсан бөгөөд нийт 9 байгууллагын 230 гаруй алба хаагч хурд хүч, авхаалж самбаагаа сорин өрсөлдөв.
Шүүхийн шийдвэр гүйцэтгэх ерөнхий газрын харьяа 405 дугаар хаалттай (тусгай нэгж) хорих ангийн баг тамирчид тэмцээний гар бөмбөгийн эрэгтэй ангилалд 1 дүгээр байр, сагсан бөмбөгийн эрэгтэй ангилалд 1, эмэгтэй ангилалд 3 дугаар байр, 100 буудалт даам төрлийн эрэгтэй ангилалд 1, эмэгтэй ангилалд 3 дугаар байр эзэлсэн үзүүлэлтээр багийн дүнгээр хоёрдугаар байрт шалгарч, Мөнгөн медалийн эзэн боллоо.
